Петропавлда тұрғындар сусыз қалды

Петропавлда құбыр жарылып, бірнеше аудан тұрғындары сусыз қалды.

Арнайы қызмет мамандары оқиға орнына жеткенше Абай, Интернационал және Жұмабаев көшелерін су басып қалды. «Қызылжар су» коммуналдық мекемесі баспасөз қызметінің мәліметінше пластик құбыр зақымданған. Себебі анықталуда. Кешке таман тұрғындарға қайтадан су беріле бастады. Жөндеу жұмыстары әлі де жалғасуда.

Ербол Нәбиев, «Қызылжар су» ЖШС бас инженерінің орынбасары:

Құбыр жарылған кезде қысым төмендеп кетті. Салдарынан басқа аудандарда орналасқан үйлерге су бармай қалды. Тәулік ішінде апат салдарын жоямыз деп ойлаймын.

Эльмира Каленова