Жаңалықтарды Telegram арнамыздан оқыңыз!Жамбыл облысы бойынша 900-ден астам байқаушы арнайы оқытудан өтті. Олар сайлау учаскелерінде заңдылықтың сақталуын қадағалайды. Оқытуды «Партиялық емес байқау орталығы» республикалық қоғамдық бірлестігі ұйымдастырған. Бірлестік 2015 жылдан бері жұмыс істейді. Облыс орталығы мен аудандарда 20-дан астам оқыту семинарлары өткізілген. Ал, бүгін Таразда сайлауалды дайындық жұмыстары жөнінде брифинг ұйымдастырды. Мамандардың айтуынша, барлық байқаушы 20 қараша күні учаскелер ашылғаннан бастап, бюллетеньдерді санағанға дейін басы-қасында болады. Бұл бағыт бойынша 16 мобильді топ жұмылдырылған
Асқар Қадырқұлов, «Партиялық емес байқау орталығы» РҚБ ЖОФ жетекшісі:
Біздің ұйым осы сайлаудың барлығында байқау жүргізеді. Байқаушылар тәуелсіз байқаушылардың ұжымын қалыптастырып, сол әр сайлау учаскелерінде сайлау процесін заңды және дұрыс өтуіне байқау жүргізіп отырады. Яғни адалдық, әділдік принциптерін талап етеді.
