Алматыда дәстүрлі әншілердің республикалық додасы өтеді

40 жылдық тарихы бар өнер байқауы қайта жанданбақ. Алматыда дәстүрлі әншілердің республикалық додасы өтеді. Пандемиядан кейін жалғасын тапқан конкурстың мақсаты - жастардың өнерге деген қызығушылығын арттырып, дәстүрлі әншілер қатарын көбейту. Бүгінде сайысқа 50-ден аса өтінім түсіп, 47-сі іріктеуден өткен. Әміре Қашаубаев атындағы сайыс - өнерпаздардың бағы мен бабын сынайтын ең жоғары деңгейдегі байқау. Оның қорытындысы қазанның 19-ы жарияланады. Ұлттық мәдениетке деген сүйіспеншілікті қалыптастыратын шарада үздік он сахна саңлағы анықталмақ.

Ақан Абдуалиев, Жамбыл атындағы Қазақ мемлекеттік филармониясының директоры:

Басқа конкурстардан ерекшелігі - бұл жерде барлық мектеп, дәстүрлі ән мектептерінің өкілдері, әншілері қатыса алады. Бізде әннен, жырдан, күйден биыл жылдың аяғына дейін 7-8 осындай байқау бар. Сондықтан, үлкен көңіл бөлініп жатыр деп айтуға болады.

Рүстем Айткерім