Жаңаөзенде жалған мемлекеттік нөмірлі көлікті тізгіндеген полиция қызметкері ұсталды

Жаңаөзенде жалған мемлекеттік нөмірлі көлікті тізгіндеген полиция қызметкері ұсталды. Әлеуметтік желілерде полицейдің тұрғынды қуып бара жатқан видеосы тараған. Қашқан адам полиция қызметкері болып шықты. Әріптесі оны қуып ұстап, жалған нөмірмен жүргені үшін, әкімшілік хаттама толтырды. Ал көлік айып тұрағына қамалды. Қызметтік тексеріс басталған. Ұсталған полицейдің іс-әрекеті енді тәртіптік кеңесте қаралады.

Аягөз Оралбай