33 жер учаскесі мемлекет меншігіне қайтарылды

33 жер учаскесі мемлекет меншігіне қайтарылды. Қазір Әлеуметтік-кәсіпкерлік корпорациялардың қызметкерлеріне қатысты «лауазымдық өкілеттіктерді теріс пайдалану» фактілері бойынша сотқа дейінгі 10 тергеу басталды. Олар мұндай әрекетке жер учаскелерін беру кезінде барған. Бұл туралы Сыбайлас жемқорлыққа қарсы қызмет агенттігі өкілдері мәлімдеді. Астана қаласында, Жамбыл, Қарағанды және Солтүстік Қазақстан облыстарында сотқа дейінгі тергеп-тексеру барысында 65 жер учаскесі анықталды. Оларды жергілікті атқарушы органдар «Astana», «Тараз», «Сарыарқа» және «Солтүстік» инвестициялық жобалары үшін берген. Бұл ретте Жер және кәсіпкерлік кодекстердің талаптары бұзылған. 

Дарын Сағитов