Нидерланд компаниялары Қазақстанға 400 миллион еуродан асатын инвестиция салмақ

Нидерланд компаниялары Қазақстанның ауыл шаруашылығы саласына қаржы құймақ. Инвестицияның жалпы көлемі 400 миллион еуродан асады. Осы мақсатта екі тарап келісімге келді. Жалпы қол қойылған құжат саны – бесеу. Оның ішінде Павлодар облысында автоматтандырылған сүт фермасын ашу туралы меморандум да бар. Сонымен қатар денсаулық сақтау, ІТ саласында да бірлесіп жұмыс істеу көзделіп отыр.

Андре Карстенс, Нидерланд Корольдігінің Қазақстандағы елшісі:

Қазақстан экономикасы тек мұнай-газ секторына тәуелді болып отыра алмайды. Сондықтан экономиканы әртараптандыру керек. Ал Қазақстанның ауыл шаруашылығы саласындағы потенциалы өте жоғары. Жерінің кеңдігі, Еуразия материгіндегі орны агросекторды дамытуға тиімді. Қазірдің өзінде осы бағытта атқарылып жатқан жұмыстар барын білеміз. Ал Нидерланды корольдігі ауылшаруашылығы өте дамыған ел ретінде өз тәжірибесін бөлісуге дайын.

Серік Селеубай