Жаңалықтарды Telegram арнамыздан оқыңыз!Қостанайда облыстық жастар спорт лигасының финалдық ойындары өтті. Іс-шараны ұйымдастырушы – жастар ресурсы орталығы. Жарты жыл бойы бірнеше команда футбол, волейбол, баскетболдан өзара сайысып, үздіктерді анықтады. Бүгінгі финалдық ойынға 15 команда қатысты. Спортшылардың жасы 16 мен 29-дың арасында. Олар түрлі оқу орындарының студенттері және әр салада еңбек етіп жүрген мамандар. Ойындар халықаралық стандарттар негізінде өткізілді. Жалпы жүлде қоры 1 млн 800 мың теңге.
Әйгерім Сейілханова, Облыстық жастар ресурсы орталығының маманы:
Спорттық лиганың мақсаты – салауатты өмір салтын насихаттау, дамыту. Барлық ойыншыларды осы спортқа жақындата түсу. Жүлде қоры бірінші орын 300 мың теңге, екінші орын 200 мың, үшінші орын 100 мың теңге.
Дәуренбек Әбдібек
