Қазақстан Азаматтық альянсы дөңгелек үстел өткізді

Саяси реформаларды жүзеге асыруда - азаматтық қоғам институттарының рөлі маңызды. Бүгін Қазақстан Азаматтық Альянсы дөңгелек үстел өткізді. Шараға Қазақстан Республикасының Ақпарат және қоғамдық даму министрі Дархан Қыдырәлі қатысып, 20 өңірден келген үкіметтік емес ұйымдардың мүшелерімен кездесті. Жиында азаматтық альянстың алдында тұрған міндеттер, мемлекет пен үкіметтік емес ұйымдардың өзара іс-қимылын күшейту, азаматтық қоғам институттарын жүйелі түрде қайта қарау мәселелері талқыланды.

Бану Нұрғазиева, Қазақстанның азаматтық альянсының президенті:

Белсенді азаматтар, қоғамдық ұйымдар, барша азаматтық қоғам деген бірлесіп осы реформаларды жүзеге асыруы керек. Ең біріншіден менің ойымша халыққа түсіндіру керек. Ең бірінші негізгі міндетіміз. Азаматтық альянстың өкілдері ауылда, аудандарда, қалада халықпен жұмыс жасайды.