Қызылордада жас бағбан цитрустық жеміс ағаштарын өсірмек

Қызылордада Қорқыт ата университетінің студенті цитрустық жеміс ағаштарын өсіруді қолға алмақ. Жас бағбан жылыжайда тәжірибе жасап, оң нәтижеге қол жеткізген.

Жансая Мейрамбекқызы бүгінде өзі өсірген тропиктік жемістерді патенттеп, жергілікті жерге жерсіндірген. Бастаған ісін әрі қарай жетілдіру үшін жас кәсіпкер ретінде өз жобасын қорғап, мемлекеттен 5 миллион теңге көлемінде қаржылай қолдау тауып отыр. Ол бұл қаражатқа жылыжайды кеңейтіп, қажетті жабдықтарын алмақ. Жас бағбан бір екі жылда лимон жемісін қала нарығына шығармақ ниетте.

Жансая Мейрамбекқызы, жас бағбан:

Цитрустық жеміс ағаштарын өсіргеннен кейін ол бірден өнім бермейді. Оған екі жыл уақыт керек. Екі жыл ол өнім берем дегенше мен арасына құлпынай көшеттерін өсіремін. Және құлпынай бизнесімен қатар цитрустық жеміс ағаштары бизнесін қатар алып жүремін.

Әділбек Серікұлы