Академизм мен ұлттық өнерді тоғыстыра білген суретші

Талант мерейтойына орай бүгін Темірбек Жүргенов атындағы Қазақ Ұлттық өнер академиясында оқу ордасы ұстаздары мен студенттерінің көрмесі ашылды.

Өткен ғасырдың 60-шы жылдары жарқ етіп танылған талант, қазақ бейнелеу өнеріне өзіндік өнерімен енген қылқалам шебері туралы деректі фильм көрсетіліп, шығармашылығы сөз болды.

Өнертанушылардың айтуынша, Нұрмұхаммедов жан-жақты, тақырып талғамайтын, әр картинасын келісті шығаруға жан-тәнін салатын суретші. Ресейдегі Репин атындағы кескіндеме, мүсін және сәулет өнері институтын тамамдаған ол, академизм мен ұлттық өнерді тоғыстыра білді.

Әсіресе, портрет пен пейзаж, тың, Теміртау магниткасы тақырыптарын көптеп жазып, адам бейнесі арқылы сол тұстағы оқиғаларды шынайы бейнелей білді.

Жазира ИСАЕВА