«Алматыэлектротранс» ЖШС-ның бұрынғы басшысы қамауға алынды

Алматыда «Алматыэлектротранс» жауапкершілігі шектеулі серіктестігінің бұрынғы бас директоры қамауға алынды. Қалалық мамандандырылған ауданаралық тергеу сотының хабарлауынша, компания басшысын екі айға қамауға алу жөнінде бұлтартпау шарасына санкция тағайындалған. Бұған дейін экс директор 160 мың доллар пара алу кезінде ұстағалғаны туралы ақпарат тараған. Ол 3 күн бұрын «Алматыэлектротранстың» бас директоры қызметінен шеттетілген болатын.