Жаңалықтарды Telegram арнамыздан оқыңыз!Шымкент қаласындағы тоқыма өнеркәсібімен айналысатын жергілікті компания 400 жұмысшысын уақытша еңбек демалысына жіберді. Мұны өнеркәсіп иелері әлемдегі геосаяси жағдаймен байланыстырады. Отандық өнімге сұраныстың азайып, қазір кәсіпорын қоймадағы 5 миллиард теңгенің өнімін сата алмай отыр. Жалпы фабрикада осыған дейін 750 адам еңбек етіп келген. Олар нарыққа сүлгі мен ақжаймалар, тұрмысқа қажетті тоқыма бұйымдары мен медициналық киім шағарады. Кәсіпорын айына 500 тонна мақтаны өңдеп, одан 1 жарым миллион метр мата тоқуға қауқарлы.
Берік Қадырәлиев, компаниялар тобының басқарушы директоры:
Ресейде болып жатқан арнайы операция, яғни соғыстың кесірінен Еуропаға шығатын жолдың бәрін жауып тастады. Бұл жерде тек қана саяси шешім керек. Сол кезде біз Мақтарал мен Түркістан облысында өсірілген мақтаны толығымен өңдеп Шымкент қаласында 15 мың жаңа жұмыс орнын аша аламыз.
