ШҚО-да Транспорт инспекциясының басшысы ұсталды

Шығыс Қазақстан облысы бойынша көлік инспекциясының басшысы қамауға алынды. Бұл туралы жемқорлыққа қарсы күрес қызметі хабарлады. Инспекция басшысы өңірде кен таситын жеке жауапкершілігі шектеулі серіктестікке «кеңшілік» жасаған. Яғни қызметін асыра пайдаланып шектеулі мөлшерден артық салмаққа көз жұмып келген. Осының кесірінен мемлекетке 65 миллион теңгеден астам шығын келген. Инспекция басшысы соттың шешімімен тергеу изоляторына қамауға алынды.Жемқорлық бабы бойынша тергеу басталды.