Жаңалықтарды Telegram арнамыздан оқыңыз!Осы мақсатта еліміздің ядролық физика институты мен Бельгияның ядролық зерттеу орталығы өзара түсіністік туралы меморандумға қол қойды. Қос тарап ядролық физика, ядролық медицина салаларында тәжірибе алмасуға ниетті. 65 жылдық тарихы бар қазақ ядролық физика институтымен бельгиялық компаниялар да іскерлікті арттыруға дайын. Тараптар қатерлі ісікке қарсы дәрі-дәрмек шығару, радиоизотоптарды өндіріске пайдалану бойынша инвестициялық жобаларды бірігіп жүзеге асырмақ.
Саябек Сахиев, «Ядролық физика институты» РМК бас директоры:
Қазақстанның жаңа технологиясын ұсындық. Ерекшелігі, электрондардың үдеткішін қолдану арқылы жасыл сутегін шығарудың өндірісін ұсынып отырмыз. Осы сутегіні өндіру, тасымалдау және оны сақтау деген үлкен үш салада да бізбен жұмыс істеуге дайын екендерін білдіріп отыр.
