Жаңалықтарды Telegram арнамыздан оқыңыз!Гүлмира Сатыбалдыға қатысты тергеу жалғасып жатыр. Оның бақылауындағы «Ария-Жаңа Астана» компаниясының басшылығына және мемлекеттік органдардың лауазымды тұлғаларына бюджет қаражатын жымқыру фактісі бойынша айып тағылған болатын. Бірнеше нысанды салуға бөлінген қомақты қаржыға қол салып, мемлекетке жалпы сомасы 3,9 милиард теңгеге залал келтірген. Тергеу барысында қабылданған шаралармен мемлекетке келтірілген залал толық өтелді. Сонымен қатар Гүлмира Сатыбалды мен оның сенімді тұлғаларына қатысты бірқатар кәсіпорындардың қатысу үлестері мен активтерін заңсыз иелену, адамды ұрлау және бас бостандығынан заңсыз айыру фактілері бойынша тергеу жүргізілуде. Жәбірленушілерге келтірілген залалдың алдын ала сомасы 6,6 миллиард теңгеден асады. Күдікті адамдар күзетпен ұсталып жатыр.
