Биыл Қазақстанда 17 миллион тонна мұнай өнімдері өндіріледі

Бұл рекордтық көрсеткіш. Бұл туралы «Қазмұнайгаз» компаниясының басшысы Президент Қасым-Жомарт Тоқаевқа баяндады. Жанар-жағармай нарығындағы жағдайды тұрақтандыру үшін Шымкент пен Атырау зауыттарындағы жөндеу жұмыстары кейінге шегерілді. Бұл елімізді қосымша 150 мың тонна дейін дизель отынымен қамтамасыз етеді. Мырзағалиев Каспий құбыр желісі консорциумындағы қазіргі ахуал туралы да мәлімет берді. Мұнай танкерлерге тұрақты түрде құйылып, кестеге сәйкес жұмыс істеп жатыр. Кездесу қорытындысы бойынша Мемлекет басшысы инвестициялық жобаларды жүзеге асыруға қатысты бірқатар тапсырма берді.