Енді электронды төлем жүйелері стандартталады

Онлайн сауда одан сайын оңтайлана түспек. Сауда министрлігі электронды төлем жүйелерін стандарттауды қолға алды.

Жыл соңына дейін кез-келген банктың қосымшасымен төлем жасауға жағдай жасалмақ. Бұл туралы Халқаралық қаржы орталығында өткен Электронды сауда форумында айтылды.

Әсел Жанасова, ҚР сауда және интеграция вице-министрі:

Барлық банктер бір-бірінің QR кодын оқи алуы қажет. Кәсіпкер 10 түрлі пост терминал сатып алмауы керек. Бір терминал барлық төлемдерді қабылдауға тиіс. Банктер жыл соңына дейін өз жүйелерін жетілдіріп үлгереді деп ойлаймын.