Үкімет басшысы мемлекеттік органдарды сынға алды

Үкімет басшысы бизнеске қойылған негізсіз талаптарды алып тастамаған мемлекеттік органдарды сынға алды. Көлік, сауда, қоғамдық тамақтану, ақпарат және байланыс секілді салада 22 мыңнан астам талаптың шамамен 4 мыңға жуығы жаңа реттеушілік саясаттың шарттарына сәйкес келмейді. Бұл туралы кәсіпкерлік қызметті қайта жаңадан реттеуді енгізу және мемлекеттік бақылау мен қадағалауды автоматтандыру жөнінде кеңесте айтылды. Әлихан Смайылов негізсіз талаптарды тезірек алып тастауды тапсырды. Жұмыстар биыл аяқталуы тиіс.

Айта кетейік, қазір «Smart Data Ukimet» ақпараттық-талдау жүйесі жаңартылып жатыр. Оны 2023 жылдың ортасында пайдалануға беру жоспарланып отыр.