«Сән-салтанат салығы» кімдерге салынбақ?

Қымбат яхта, жеке ұшақ пен элиталы үй. Ұлттық экономика министрлігі өкілдері «сән-салтанат салығы» қалай және кімдерге енгізілетінін айтып берді. Отандық арналардың біріне сұхбат берген Салықтық және кедендік саясат департаментінің бас сарапшысы Елнар Қазыбековтың айтуынша оның орта тап өкілдеріне қатысы жоқ. «Байлық салығы» бағалы яхтасы, жеке ұшағы бар адамдарға салынбақ. Әрі бір емес бірнеше элиталы жылжымайтын мүлігі бар, көлігінің құны 100 мың доллардан асатындар еселенген салық төлемек. Десе де бұл бастама бизнес қауымдастықпен және жауапты мемлекеттік органдармен тағы талқыға салынбақ.

Досжан Маратұлы