Қостанайды қолдау: ауылдарды қалпына келтіруге құрылыс материалдары қажет

Қостанай облысындағы өрттен зардап шеккендерге көмек ретінде түрлі заттар барлық аймақтан жеткізіліп жатыр. Осындай қиын кезеңде бей-жай қарап қалмай, қол ұшын созған халыққа жергілікті жұрттың алғысы шексіз. Олар азық түлік пен киім-кешек, басқа да заттар артығымен жиналды деп отыр. Қоймалар толып қалған. Ендігі жерде аймақ халқына нағыз қажетті заттар жеткізілсе деген тілек бар.

Дәулет Қойшыбаев, Әулиекөл аудандық мәслихатының хатшысы:

Әкеп жатқан гуманитарлық көмек жеткілікті. Тамақ, киім жетеді. Енді бізге құрылыс материалдары керек. Шеге болсын барлық түрі. Тұрмыстық заттар, жихаздар керек. Себебі үй салғасын оған күнделікті қолданатын дүние де қажет.