Қарағанды облысында 350 гектарға жуық жер жанып кетті

Қарағанды облысында соңғы күндері дала өрттері жиілеп , облыс бойынша 350 гектарға жуық жер жанып кетті. Бұл негізінен өңірде ұзақ уақыт жаңбырдың болмауы, яғни құрғақшылық салдарынан және азаматтардың отқа абайсыздығынан болып отыр. Соңғы бір тәулікте 17 өрт дерегі тіркелді. Соның ішінде 10 учаскедегі жалын әзірге толық сөндірілген жоқ.

Ең ірі өрт ошағы Шет ауданына қарасты Қызылтау елді мекені маңында. Оның аумағы 300 гектардан асады. Өзге 9 аумақтағы өрттің жалпы ауданы 50 гектардай. Дала өрттерін сөндіруге барлығы 279 адам мен 78 техника жұмылдырылған.