Канадада пышақпен жасалған шабуылдан 10 адам қаза тапты

Тағы 15 адам жараланған. Бұл қылмысты жасады деген күдікпен екі адамның есімдері аталды. 31 жастағы Дэмиен Сандерсон мен 30 жастағы Майлз Сандерсон. Әзірге олар полицияның қолына түскен жоқ. Сонымен бірге күдіктілер бір-біріне туыс па, жоқ па ол жағы белгісіз. Олар провинцияның бірнеше жерінде адамдарға пышақ ала жүгірген. BBC-дің дерегінше, шабуылдан қаза тапқандар мен жараланғандар – Уэлдон ауылы мен канадалық үндістер тұратын Джеймс Смит ауданының тұрғындары. Полиция іздеудегі күдіктілердің қаруланғанын әрі қауіпті екенін ескертіп, Саскачеван тұрғындарына үйден шықпауға кеңес берді.