Елордалық өрт сөндірушілер Қостанай облысына көмекке аттанды

Елордалық өрт сөндірушілер Қостанай облысына көмекке аттанды. Қазір орман өртімен 77 техника, 3 әуе кемесі, 5 өрт сөндіру пойызы мен 450 адам күресіп жатыр. Көмекке Қостанай, Ақмола, Солтүстік Қазақстан облысының Төтенше жағдайлар департаменттерімен Қарағанды қаласының 52 де 859 әскери бөлімі келіп үлгерген.

Түнде елордалық 98 құтқарушы, 18 өрт сөндіру техникасы өрт сөндіру қызметі бастығының орынбасары полковник Екишевтің басшылығымен Қостанай облысының Әулиекөл ауданына әріптестеріне көмек көрсету үшін жолға шықты. Сонымен қатар қызыл жалынмен күреске Қорғаныс министрлігінен қосымша күш жетті. 

Серік Селеубай