Шымкенттегі ОҚМУ студенттері түгелдей жатақханамен қамтылды

Жаңа Қазақстанды құру ісінде педагогтардың рөлі айрықша. Сондықтан мемлекетімізде ұстаздардың абырой-беделін арттыру үшін көптеген жаңашылық енгізілді. Бұл бағыттағы жұмыстар әрі қарай да жалғасын табады. Сондай-ақ ұстаздардың құзірет аясы айқындалмақ. Президент Жолдауында айтылған тағы бір мәселе жатақхана жайы. Бұл төңіректегі қиындықты құрылыс компанияларымен мемлекеттік-жекеменшік серіктестік орнату арқылы оңтайлы шешкен білім ордалары да бар. Солардың бірі – Оңтүстік Қазақстан мемлекеттік педагогикалық университеті. Биыл білім орнына 3 мың студент қабылданды. Кешенді жұмыстардың нәтижесінде шәкірттердің барлығы жатақханамен қамтылып отыр.

Гүлжан Сүгірбаева, Оңтүстік Қазақстан мемлекеттік университетінің ректоры:

Педагог мамандарды даярлау – үлкен жауапкершілік. Аккредитацияның стандарттары туралы, білім бағдарламалар туралы айтты. Өйткені жақсы педагог жақсы шәкірттер шағырады. Біздің де мақсатымыз осы.

Ғани Қалмаханов