«Қазақстан теміржолы» компаниясы қайта құрылады

«Қазақстан қазіргі геосаяси жағдайда Азия мен Еуропа арасындағы аса маңызды құрлықтық дәліз болып отыр. Бұл мүмкіндікті толық пайдаланып, әлемдік маңызы бар көлік-тасымал торабына айналуымыз керек». Бүгін Жолдауда Президент бұл мәселеге ерекше тоқталды. Еліміздің транзиттік әлеуетін арттыру мақсатында ірі жобалар, атап айтқанда Ақтауда контейнер хаб, «ТрансКаспий» дәлізі дамып келеді. Мұны жүзеге асыруға әлемдегі үздік логистика компаниялары тартылмақ. Осы орайда «Қазақстан темір жолы» компаниясы толыққанды транзиттік-логистикалық корпорация болып қайта құрылады. Мемлекет басшысы еліміздегі жолдардың кемінде 95 пайызын жақсартуды тапсырды. Бұл жұмыс 2025 жылға дейін жүзеге асуы тиіс.