Шығын 18 млрд теңге : Алматыда кәсіпкерлер мүлкін тартып алғандар туралы тың деректер шықты

Алматыда бірқатар компанияны рейдерлік жолмен басып алу фактісі бойынша сотқа дейінгі тергеу жүріп жатыр. Бұл туралы Қаржылық мониторинг агенттігі хабарлады. Алдын ала болжам бойынша, зардап шегушілерге келтірілген шығын көлемі 18 млрд теңгеден асады. 14 шілде күні 4 адам қамауға алынса, үшеуіне халықаралық іздеу жарияланды. Күдіктілерден 9 млн доллар, зергерлік бұйымдар, оларға қатысы бар тұлғалардан 154 жылжымайтын мүлік пен 19 көлік тәркіленді. Ведомства өкілдері ұйымдасқан топ мүшелерінің рейдерлік әрекетінен зардап шеккен азаматтардан әлі де арыздар түсіп жатқанын айтты.