Қазақстан астық пен ұн экспортына салынған шектеуді алып тастамақ

Жақында қазақстандық астық пен ұнға шетел нарығы ашылуы мүмкін. Өйткені Ауыл шаруашылығы министрлігі экспортқа салынған шектеуді толығымен алып тастауды ұсынып отыр. Қазір астық өндірушілер шетелге тек 550 мың тонна бидай және 370 мың тонна ғана ұн шығара алады. Бұл шектеу ішкі нарықта тапшылыққа жол бермеу үшін енгізілген еді. Алайда қазір жағдай керісінше. Астық мол. Дихандар биыл 18 миллион тонна өнім алуды көздеп отыр.

Серік Жұманғарин, ҚР Сауда және интеграция министрінің міндетін атқарушы:
Қазір экспортты ашу керек. Себебі қазір баға жоғары. Біздің бидай өндірушілер енді пайдасын тапсын өзінің еңбегінің.