Жаңалықтарды Telegram арнамыздан оқыңыз!Бұдан былай жасыл желек автоматты түрде суарылады. Ол үшін шаһарға 120 шақырым құбыр жүргізіледі. Қазір бұл жұмыстар басталды. Жыл соңына дейін 50 шақырымдай құбыр тартылмақ. Содан соң оларға автоматтандырылған суару жүйесі орнатылады. Бұл суды үнемдеп, жұмысшылардың уақытын тиімді пайдалануға мүмкіндік береді. Бұған дейінгі мердігер компаниялардың жасыл желекті көлікпен суару жұмысы тиімсіз болған. Салдарынан талдар қурап, тұрғындардың шағымы көбейген. Қазір Ақтауда 62 мың түп тал бар. Биыл тағы 5 мыңға жуық ағаш егілген.
Нұрдәулет Қилыбай, Ақтау қаласының әкімі:
Бәсекелестік ортаға берілгенде әуелі конкурс мүмкіндігі шектеулі жандардың ортасында өткізілді. Сол жерден ақсаған жерлеріміз болды, оны жасырмаймыз. Қазір мемлекеттік-жекеменшік серіктестік принципімен 5 жылға бердік. Көлікпен емес, құбыр арқылы суару жүйесіне өтуіміз керек.
