Елордада иесі жоқ жануарлар қамқорлыққа алынады

«Ең жақын дос». Елордада осындай атаумен қараусыз қалған жануарларды қамқорлыққа алу акциясы басталды. Қайырымдылық шара барасында көрмедегі танымал тұлғалардың суретінде тұрған QR коды арқылы қажетті мәліметті алуға болады. Бос жүрген ит пен мысықтарға бейжай қарамайтын азаматтар қаржылай көмек көрсете алады. Жануарларды асырап алуға да мүмкіндік бар. Төртаяқтыларға тегін ветеринариялық қызмет ұсыну мен оларды ұстайтын орындарға жыл сайын шағын гранттар беріледі. Биыл ел бойынша 30 грант үлестірілді.

Әсем Мырхайдарова, Азаматтық бастамаларды қолдау орталығының баспасөз хатшысы:

Шағын гранттарды ұтып алу үшін міндетті түрде үкіметтік емес ұйымды құру маңызды емес. Жай ғана азаматтар топтасып, яғни бастамашыл топ ретінде өздерінің жобаларын ұсына алады.