Жаңалықтарды Telegram арнамыздан оқыңыз!АҚШ тың Огайо штатында Федералды тергеу бюросына оқ атылған. Ғимаратқа баса көктеп кіруге әрекет жасаған күдікті әрекетін жол патрульдік полициясы кесті. Мылтықпен және тапаншамен қаруланған адам әуелі нысанға қарай оқ атқан. Бюро қызметкерлері қарсы қару кезенген соң оқиға орнынан қашып кеткені белгілі болатын. Жол полициясы оны трассада бөгеп, қаруын тастауды талап еткенімен нәтиже шықпаған. Атыс кезінде күдікті алған жарақатынан оқиға орнында көз жұмды. Оның не себепті оқ атқаны әзірге белгісіз. Десе де шабуыл Дональд Трамптың тергеуімен тікелей байланысты болуы мүмкін. Себебі Федералды тергеу бюросының қызметкерлері осы аптада оның үйін тінтіген соң желіде экс-президенттің жақтастары тарапынан қоқан-лоққы көбейген.
