Жаңалықтарды Telegram арнамыздан оқыңыз!Павлодарда балабақша қызметкері баланы соққыға жыққан. Оның бұл әрекеті бейнебақылау камерасына түсіп қалған. Кадрда тәрбиешінің көмекшісі баланы төсекке күштеп жатқызып, оны қолымен бірнеше мәрте ұрғаны байқалады. Баланың денесі көгерген. Қалалық білім бөлімінің мәліметінше оқиға Павлодардағы №4 балабақшада болған. Бүлдіршінге қол көтерген қызметкер қазір жұмыстан қуылды. Іс құқық қорғау органдарына жолданған. Ал, балабақша басшысының міндетін атқарушыға сөгіс жарияланды.
