Жамбыл облысында заңсыз алкоголь өнімін өндірген цех табылды

Жалған есепке алу-бақылау маркаларын қолданып, пайда тапқандарды Қаржылық мониторинг агенттігінің облыстық департаменті қызметкерлері анықтаған. Тінту кезінде 3 мың литрге жуық алкоголь өнімі, 36 мыңнан астам бөтелке арақ табылды. Бұдан бөлек, жалған есеп-бақылау маркалары мен қақпақтарды жабуға арналған құрылғылар тәркіленген. Қазір бұл іске қатысты тергеу амалдары басталып, қылмыстық іс қозғалды.