Қаңтар оқиғасында жалған ақпарат таратқан қостанайлық азаматқа сот үкімі өзгеріссіз қалды

Қаңтар оқиғасында жалған ақпарат таратқан Қостанай облысының тұрғынына қатысты сот үкімі өзгеріссіз қалды. Облыстық соттың қылмыстық істер бойынша сот алқасы азаматтың әлеуметтік желілерде қоғамға қауіп төндірген әрекеттерін заңсыз деп таныды. Сондай ақ аппеляциялық сот сотталушының психологиялық қысым көрсетіліп, кінәні күшпен мойындату туралы шағымын сотқа дейінгі тергеу барысында дұрыс қаралмағанын атап өтті. Алайда бұл сотталған азаматтың жазасын жеңілдетпеді.