Шығыста жеңіл көлік жылқыға соғылып, 21 жастағы жүргізуші мерт болды

Шығыста жеңіл көлік жылқыға соғылып, 21 жастағы жүргізуші көз жұмып, салондағы тағы 4 жолаушы жарақат алды.

Көлік апаты Омбы-Майқапшағай тасжолының Жарма ауданындағы тұсында болған. Полиция қызметкерлерінің айтуынша, "Tоyota Crown" автокөлігінің жүргізушісі таңғы алакеуімде жолдағы жылқыны көрмей қалуы мүмкін. Үшеуіне қатар соғылған. Жарақат алған 4 жолаушы қазір ауруханада емделіп жатыр.

Оқыс оқиға бойынша, қылмыстық іс қозғалып, сотқа дейінгі тергеу басталды. Бірқатар сот-медициналық сараптама тағайындалды.