Жаңалықтарды Telegram арнамыздан оқыңыз!Медициналық ұйымдар халыққа тегін берілетін дәрі-дәрмекті сатып ала алмай отыр. Себебі арнайы портал жұмыс істемей тұр. Ұлттық кәсіпкерлер палатасы осылай деп дабыл қақты.
Мамырда препараттар мен емдеу бұйымдарын сатып алуды реттейтін жаңа ереже бекітілген еді. Яғни дәстүрлі сатып алу тәсілі тоқтатылып, электронды түрі ғана енгізілді. Бұл орынды. «Бірақ, толық жүйеленбегендіктен, денсаулық сақтау ұйымдары тығырыққа тірелді», - дейді «Атамекен» палатасының атқарушы хатшысы Нұрлан Сақуов. Салдарынан фармацевтикалық өнімдердің өндірушілері мен жеткізушілері порталға кіре алмай отыр. Осыдан науқастар зардап шегуде. Сондықтан проблема шешілгенше, бұрынғы нормаларды қайтару қажет. Сала министріне хат жолданды.
