Жаңалықтарды Telegram арнамыздан оқыңыз!Португалияның орталық аудандарында орман өрті өршіп барады. Жүздеген тұрғын қауіпсіз жерге көшірілді. Өрт сөндірушілер тілсіз жаумен күресіп жатыр. От өткен аптада тұтанған болатын. Оны сөндіруге 40 градус аптап ыстық пен күшті жел кедергі болып отыр.
Ал Испанияда өрт мың жарым гектар аумақты шарпыған. Лас-Урдесте 400-дей жергілікті тұрғын эвакуацияланды. Орман өрті Кастилия және Леон облыстарында да тұтануы мүмкін деген ескерту жасалды. Ал, елдің солтүстік-батысында ауа температурасы 42 градусқа дейін көтерілген.
Арай Төлегенқызы
