Жаңалықтарды Telegram арнамыздан оқыңыз!Испанияның Канар аралдарында орман өрті жалғасып жатыр. Соңғы мәліметтер бойынша, 10 мыңдай адам қауіпсіз жерге көшірілген. Сенбі күні басталған өрт бірнеше бағытқа тарады. Оның күшеюіне аптап ыстық, қатты жел және ылғалдың аздығы себеп болып отыр. Тілсіз жау осы уақытқа дейін 12 мыңдай гектар алқапты жалмап үлгерген. Өртті сөндіруге мыңнан астам адам мен бірнеше тікұшақ тартылып отыр. Бүгін Канар аралдарының президенті Виктор Торрес мәлімдеме жасап, оттың күші қайта бастағанымен, әлі де қауіп бар екенін ескертті.
Арыстан РЫСБЕК
