Жаңалықтарды Telegram арнамыздан оқыңыз!Қызылордада төлем терминалдарын ұрлаған әккі ұры ұсталды. Ол дүкендер мен дәріханаларда орналасқан қондырғыларды асқан құйтырқы әрекетпен қолды қылып келген. Оңай ақша табуды көздеген Түркістан облысының 31 жастағы тұрғыны болып шықты. Ұрының «терминалдарға сервистік қызмет көрсетем» дегеніне сеніп қалған күзетшілер тіпті көлікке дейін көтерісіп салып та жіберген. Осылайша үш қондырғыны ұрлаған азамат кезекті жорығында полицияның құрығына түсті. Қылмысын мойындаған күдікті қазір уақытша қамауға алынып, сотқа дейінгі тергеп-тексеру әрекеттері жүріп жатыр.
