Ақмола облысы Бозайғыр ауылында екі инкассаторға шабуыл жасалды

Ақмола облысы Бозайғыр ауылында екі инкассаторға шабуыл жасалды. Қарақшылар 14 миллион теңгені алып кеткен. Инкасаторлар тәулік бойы төлем қабылдайтын терминалдан ақшаны алып, көлікке отыра бергенде, медициналық бетперде киген белгісіз ер адам шабуылдаған. Инкасаторларды мылтыққа ұқсас затпен қорқытып, елдімекеннің шетіне шығуға мәжбүрлеген. Аулаққа шыққан соң ақшаны алып ізін суытқан. Инкасаторлар аман. Осы факт бойынша жедел іздестіру шарасы басталады. Арада бір тәулік өткенде екі күдікті ұсталып қамауға алынды. Жедел тергеу барысында олардың бұрын осы инкассаторлық компанияда жұмыс істегені анықталды. Ұрлаған ақшаны қайда жасырғанын да айтып берген. Қазір күдіктілерге қатысты қарақшылық бабымен іс қозғалды.