Қарағанды облысында 10-нан астам үй мен 9 пәтерді су басты

Қарағанды облысы Осакаровка ауданына қарасты Сенокосное ауылында нөсер жауыннан кейін 10-нан астам жер үй мен 9 пәтерді су шайып кетті. Баспана ішіндегі су деңгейі 20 сантиметрге көтерілген. Ауыл әкімі Нұркен Көбжановтың мәліметінше, жауын суы арықтардан асып кеткен. Жергілікті атқарушы орган мен Төтенше жағдайлар қызметінің бөлімшелері шұғыл әрекет етті. Зардап шеккендер мен мал шығыны жоқ. «Комиссия шешімімінен кейін тұрғындарға тиісті көмек көрсетіледі. Жағдай бақылауда»,-дейді ауыл әкімі.