Каспий құбыр консорциумы арқылы мұнай экспорты штаттық режимде жүзеге асып жатыр - Энергетика министрлігі

Каспий құбыр консорциумы арқылы мұнай экспорты штаттық режимде жүзеге асып жатыр. Энергетика министрлігі осылай деп мәлімдеді. Бұдан бұрын хабарлағандай, Приморск аудандық соты компания қызметін 30 тәулікке тоқтату туралы шешім шығарған. Ал консорциум қаулының орындалуын болдырмау туралы өтініш хатпен сотқа жүгінді. Қазіргі таңда құжаттық заң бұзушылықтарды жою үшін Ресейдің тиісті мемлекеттік органдарымен жұмыс жүргізіліп жатыр.