Таразда қаңтарда қолды болған оқ-дәрілер табылды

Таразда Қаңтар оқиғасы кезінде ұрланған оқ-дәрілер әлі күнге дейін табылып жатыр. Оны жедел іздестіру жұмыстары кезінде қылмыстық-атқару жүйесінің қызметкерлері анықтаған.

Оқ-дәрілер Байзақ батыр көшесі маңынан табылған. Полицейлер жаңадан салынып жатқан үйлердің аумағынан полиэтилен пакет жасырылғанын байқап қалған. Ішінен 4 жарылғыш граната, «Калашников» автоматының 60 патроны шықты. Сондай ақ, «Макаров» тапаншасының 8 және травматикалық қарудың 16 оғы тәркіленді. Оқ-дәрілердің қаңтардағы бүлік кезінде облыстық полиция департаментінен ұрланғаны белгілі болды. Арнайы сараптама тағайындалды.