Қазақстанда мұнай тасымалы артады

Биыл Ақтаудан Баку-Тбилиси-Жейхан құбыры арқылы 1,5 млн тонна мұнай экспорттау жоспарланып отыр.

Энергетика министрлігінің қоғамдық кеңесі отырысында осы мәселе талқыға түсті. Мұнай-газ саласының сарапшысы Абзал Нарымбетов күзде Ақтау-Батуми жолымен тағы 1,5 млн тонна шикізат тасымалданатынын хабарлады. Ал жалпы 2025 жылға дейін Баку-Тбилиси-Джейхан, Батуми, Иран бағытына қарай 20 млн тонна қара алтын экспорттау көзделген.

Алайда бұған үлкен инвестиция қажет. Әсіресе Ескене, Теңізден – Ақтау, Құрық құбырына, Бакудегі ауыстырып тиеу терминалына қаржы керек. Ал қазір Әзербайжан жеңіл мұнайды ғана қабылдауға дайын. Теңізшевройлдың күкіртті мұнайы бұл тасымал үшін жарамайды.

Абзал Нарымбетов, мұнай-газ саласының сарапшысы :

Көбісі Баку-Тбилиси-Джейхан арқылы мұнай жөнелту КТК-ға қарағанда 3-4 есе қымбат дейді. Ал енді Атырау-Самара арқылы жіберіп жатқан мұнайымыз жылда 11 млн тоннадай. Ол urals арқылы сатылады. Оны нарықта 30 процент арзан бағада сатып жатырсыз. Ал Баку-Тбилиси-Джейхан тариф ретінде әлдеқайда арзан. 0:36 Ортадағы пайда қалады.