Алматыда мұнаралы кранның құлау себебі анықталды

Алматыда комиссия мұнаралы кранның құлау себебін анықтады.

Тексеруді объективті және жан-жақты жүргізу мақсатында «ТехБез Алматы» компаниясына сараптама тағайындалған. Кранның металл конструкцияларынан сынама алынып, металлографиялық талдау жүргізілді.

Қорытынды нәтижесінде рельс жолының жерге шөгуі, бұрандаларының тозуы және созылуы апаттың болуына себеп болған.

Сондай-ақ, комиссия бірқатар өнеркәсіптік қауіпсіздік талаптарының бұзылғанын анықтады. Құрылысқа жауапты компанияның инженерлік-техникалық қызметкері жауапкершілікке тартылды.

Еске салайық, биыл сәуірдің 4-інде «Жас Қанат» шағын ауданында мұнаралы кран 9 қабатты ғимараттыңүстіне құлаған болатын. Ешкім зардап шеккен жоқ.