Қарағанды облысында туберкулез жұқтырғандар көбейді

Қарағанды облысында балалар мен жасөспірімдер арасында туберкулез жұқтырғандар көбейген. Оған ата-аналардың осы өкпе ауруының алдын алу үшін салынатын вакцинаға қарсы болуы басты себеп.

Биылғы жылдың бес айының өзінде туберкулез жұқтыру балалар арасында 28 пайызға, ал жеткіншектерде 37 пайызға көбейген. Өңір бойынша 15 ірі ауру ошағы анықталған.

Соңғы кездері жас аналардың екпе салдыруға қарсылығы жиілеген. Дүниеге келген сәбилердің 656-сы ешқандай екпе алмаған. Соның ішінде 302 баланың анасы вакцинаға үзілді-кесілді қарсылық көрсеткен. Облыста жыл басынан бері 7624 сәби дүниеге келген. Туберкулезге қарсы 7 мыңға жуығына екпе салынған.