Жаңалықтарды Telegram арнамыздан оқыңыз!Алматыда тағы бір қаржы пирамидасының жетекшілері сотталды. «World Business Consulting» компаниясы азаматтарға еншілес компаниялардың инвестициялық жобаларына қаражат салуды ұсынған. Нәтижесінде қомақты сыйақылар уәде еткен. Осылайша алданғандар 3 жыл ішінде 5,8 млрд теңгесінен қағылған.
Қаржы пирамидасына қатысты сотқа дейінгі тергеу аяқталып, жалпы сомасы 4,1 млрд теңгенің мүлкі тәркіленді. Қаржылық мониторинг агенттігі азаматтарды күмәнді қаржы институттарына алданып қалмауға шақырады.
Әлібек Әлібеков, ҚР Қаржы мониторингі агенттігінің баспасөз хатшысы:
Сот үкімімен қаржы пирамидасының жетекшілері кінәлі деп танылып, 5 жылдан 6,8 жылға дейін бас бостандығынан айыру жазасына кесілді. Сонымен қатар пирамидалық схемасының тағы бес ұйымдастырушысы халықаралық іздеуге жарияланды.
