Ресей сыртқы қарызы бойынша 100 жылда алғаш рет дефолтқа ұшырады

Ресей сыртқы қарызы бойынша 1918 жылдан бері алғаш рет дефолтқа ұшырады. «Блумберг» агенттігі осындай ақпарат жариялады.

Оған сай бүгін Мәскеу үшін мемлекеттік облигациялар бойынша уақтылы төленбеген 100 млн долларды төлеуге арналған жеңілдік кезеңі аяқталған.

Дефолт туралы ресми түрде жария етілмейді, дейді «Блумберг» . Себебі мұны айқындайтын халықаралық рейтинг агенттіктері Ресейдегі қызметін тоқтатқан. Ал кредиторлар дефолтты растауы үшін облигацияларды ұстаушылардың төрттен бірінің келісімі қажет. Өз кезегінде Ресейдің қаржы министрлігі міндеттемелерін толықтай орындағанын алға тартып отыр.