Шекара: Ұлттық қауіпсіздік комитетінің бірнеше экс-қызметкері ұсталды

Қазақ-Қытай шекарасында билікті асыра пайдалану фактілері бойынша жүргізіліп жатқан сотқа дейінгі тергеу шеңберінде Ұлттық қауіпсіздік комитетінің бірнеше экс-қызметкері ұсталды. Арасында комитет төрағасының бұрынғы орынбасары - Шекара қызметінің директоры, генерал-лейтенант Ділманов, Шекара қызметі Алматы облысы бойынша департаменті "Нұр Жолы" шекара бақылау бөлімінің бастығы майор Арысбаев және басқа да адамдар бар. Олар уақытша ұстау изоляторына қамалды деп хабарлайды Ұлттық қауіпсіздік комитетінің баспасөз қызметі.