Жаңалықтарды Telegram арнамыздан оқыңыз!Қарағанды облысының Қарқаралы, Бұқар жырау, Осакаров аудандарында өрт болып, қазір құтқарушылардың күшімен сөндіріліп жатыр.
Бұқар жырау ауданында бірден екі жерден дала өрті тұтанып, 150 гектар жер қызыл жалын құрсауында қалған. Оны ауыздықтауға 145 адам тартылды.
Осакаров ауданында тұтанған тілсіз жау көлемі мың гектардан асып жығылды.
Қарқаралы ауданында да өрт 250 гектар жерге тараған. Қазір жерді жыртып, өрттің таралуын болдырмау мақсатында жұмыстар жүргізіліп жатыр.
Алапат жалынды ауыздықтауға өзге облыстан МИ-8 тікұшағы тартылған.
Ерлан Құсайын, қарқаралы ауданының әкімі:
250га жер өртеніп кетті. Кешеден бері жергілікті азаматтардың және облыстық ТЖД арнайы қызметкерлері көмегімен жұмыстар жүргізілуде. Дәл қазір негізгі өрт сөндірілді деуге болады, бірақ әлі де қоздап жатқан бір екі ошақ бар.
