Елордада Талдыкөл маңындағы өрт сөндірілді

Талдыкөл маңындағы өрт сөндірілді.  Қала аумағында қамыс пен қураған шөп тұтанып, соңы өртке ұласқан еді.

Елордалық өртсөндірушілер қызыл жалынмен екі тәулік бойы арпалысты. Тіпті тікұшақпен су шашуға тура келген.

Бүгін таңғы алтыда өрт толығымен сөндірілді. Жалынның шығу себебі отты абайсызда қолдану болуы мүмкін. Қаза болғандар мен зардап шеккендер жоқ.

Ал «Семей орманы» қорындағы өртті ауыздықтауға 9 сағаттай уақыт кетті. Қызыл жалын 280 гектарды шарпыған. Алдын ала болжамға сай өртке найзағай себеп болуы мүмкін. Зардап шеккендер жоқ.